राजनीति

नयाँ शक्ति पार्टीले सरकारसमक्ष १८ बुँदे माग पेश गर्यो

Image Title

काठमाण्डौ, १७ भदौ, नयाँ शक्ति नेपालको शिक्षा, विज्ञान तथा प्रविधि विभागले शिक्षा क्षेत्रमा देखिएका समस्याहरुको समाधान गर्नुपर्ने भन्दै विभिन्न १८ बुँदे मागहरु सार्वजनिक गरेको छ । विभागले बिहीबार रिपोटर्स क्लब नेपालमा पत्रकार सम्मेलन गर्दै शिक्षा क्षेत्रका सकारात्मक पक्षहरुको आत्मासाथीकरण र समस्याहरुको सकारात्मक समाधानको लागि भन्दै सरकारको ध्यानाकर्षण गराउन विभिन्न १८ बुँदे माग अघि सारेको हो ।

उसले अघि सारेका मागहरुमा शिक्षालाई विज्ञान प्रविधि–मैत्री बनाउनु पर्ने, विद्यालयलाई अनुसन्धानमुखी, व्यावसायिक बनाउनु पर्ने, विश्वविद्यालयको खाली जमिनलाई सदुपयोग गर्नुपर्ने, शिक्षा क्षेत्रको बजेट कम्तिमा २० प्रतिशत पुर्याउनु पर्ने, १० औं प्रकृतिका शिक्षकहरुको प्रावधान खारेज गर्नुपर्ने, मदरशा, गुम्बा, गुरूकुल विद्यालयहरुको सेवा सुविधा अरु विद्यालय सरह गर्नुपर्ने लगायतका छन् ।

पत्रकार सम्मेलनमा बोल्दै विभागका प्रमुख डा. राजेन्द्र केसीले नेपालको शिक्षा पद्धतिमा खिया लागेको बताए । उनले विश्वलाई जित्ने खालको नयाँ नीति र आमुल परिर्वतनको शिक्षा प्रणाली अहिलेको खाँचो रहेको बताए । डा. केसीले शिक्षामा लगानी गर्न सरकार चुकेको बताउँदै शिक्षा क्षेत्रमा मात्र कुल बजेटको २० प्रतिशत लगानी गर्नुपर्ने सुझाव दिएका छन् । उनले थपे, ''हामीले वर्षौदेखि शिक्षक बनाउने, ईन्जिनियर बनाउने, डाक्टर बनाउने सपना देखेर शिक्षामा लगानी र चासो राख्यौ तर त्यतिले मात्र विश्व दुनियासँग प्रतिष्पर्धा हुन सक्दैन ।''

अर्को प्रसंगमा उनले विद्यमान परीक्षा प्रणाली अवैज्ञानिक रहेको र नीतिगत परिवर्तन गर्नुपर्ने बताएका छन् । उनले भने, 'वर्षभरि पढिएका कुराहरूको मूल्याङ्कन केवल तीन घण्टा भित्र लिने गरिएको छ यो निक्कै अवैज्ञानिक छ, हाम्रो चाहाना र अबको आवश्यकता हाम्रो देशमा निर्माण भए गरेका कुनै पनि कुराहरू विश्व बजारमा बिक्न सक्ने हुनुपर्छ भन्ने छ ।'  

त्यसैगरि रिपोटर्स क्लबका अध्यक्ष ऋषि धमालाले शिक्षामा वैज्ञानिकता अहिले आवश्यकता रहेको बताए । उनले भने ?विगतमा हामीले भाषण गर्यौ र सुन्यौ अब काम गर्नुपर्ने समय हो, हामी सबैले काम गरौँ ।″ धमलाले नयाँ शक्ति नेपालका अध्यक्ष डा. बाबुराम भटराई अनुभवि नेता भएपनि संगठन चलाउने कुरामा आफूलाई शंका लागेको बताए । विभागका प्रमुख डा. राजेन्द्र केसीतर्फ इंगित गर्दै उनले भने, 'तपाईंहरू सुझावका साथ शिक्षा नीति र नेतृत्व निर्माणमा लाग्नुस् ।' पत्रकार सम्मेलनमा विभागका सह—संयोजक दलबहादुर विसिले १८ बुँदे मागसहित प्रेस विज्ञप्ति वाचन गरेका थिए ।





अन्य समाचार

धेरै पढिएको

    no Contents found

फेसबुक


जनमत

बाढी, पहिरोबाट वर्षेनी हुने क्षतिलाई कसरी न्यूनीकरण गर्न सकिएला ?

 (function() { var aak = new CpxCenterAAK(1524, 69395, 70677); var zone = aak.addZone(106752, "#cc-573cbc0a38c60"); zone.render(); })();